Адпраўка матэрыялаў

Кіраўніцтва для аўтараў

АДПРАЎКА АРТЫКУЛАЎ

1. Артыкулы ў рэдакцыю часопіса падаюць праз сістэму электроннай рэдакцыі. Падача рукапісу ў электронным выглядзе паскарае рэгістрацыю і разгляд рукапісу, а таксама дазваляе аўтарам сачыць за працэсам яе перамяшчэння ў рэдакцыі.
2. Кантактны аўтар павінен зарэгістравацца на сайце часопіса. Пасля гэтага ў яго з’явіцца тэхнічная магчымасць накіраваць артыкул у рэдакцыю праз спецыяльную форму.
3. Кантактны аўтар загружае на сайт часопіса асобнымі файламі метададзеныя, артыкул і малюнкі. Гэта неабходна дзеля забеспячэння ананімнасці рэцензавання вашага матэрьялу. Метададзеныя таксама неабходна дадаткова ўнесці ў прапануемую форму.
4. Пры падачы артыкула аўтары павінны выканаць умовы кантрольнага спісу падрыхтоўкі матэрыялу да адпраўкі (гл. вышэй).
5. Падача артыкула для публікацыі ў часопісе прадугледжвае згоду аўтара(аў) з апублікаванымі правіламі.

ПРАВІЛЫ ДЛЯ АЎТАРАЎ

Да публікацыі ў часопісе прымаюцца артыкулы, якія ўтрымліваюць арыгінальныя навуковыя даследаванні (вынікі даследавання і высновы, раней нідзе не апублікаваныя і не пададзеныя ў іншыя часопісы), па праблемах гісторыі Беларусі і сусветнай гісторыі, крыніцазнаўства і гістарыяграфіі, археалогіі і спецыяльных гістарычных дысцыплін, архівазнаўства і музеязнаўства, гісторыі навукі. Даследаванне павінна быць цікавым для міжнароднай навуковай супольнасці.

Пры падрыхтоўцы артыкулаў неабходна кіравацца прыведзенымі ніжэй правіламі. Артыкулы, аформленыя не па правілах, будуць адхіляцца.

У сувязі з дастаткова складанымі патрабаваннямі да дакладнага афармлення спісу літаратуры і іншых навуковых элементаў артыкула рэдакцыйная калегія дапускае, каб аўтары былі вызвалены ад абавязку афармлення рукапісаў, ілюстрацый, спісаў літаратуры паводле правілаў часопіса да завяршэння працэсу рэцэнзавання. Галоўнае патрабаванне да першапачатковага варыянта тэксту – гэта ўключэнне ў спіс літаратуры ўсіх крыніц і даследаванняў, якія згадваюцца ў рабоце, каб рэцэнзент меў магчымасць правесці верыфікацыю крыніц інфармацыі.

Агульныя патрабаванні

Артыкулы падаюцца ў электроннай форме ў фармаце .doc або .docx, файл з артыкулам павінен быць названы па прозвішчы аўтара, калі аўтараў некалькі – па прозвішчы першага аўтара. Малюнкі і табліцы неабходна ўстаўляць у тэкст пасля адпаведных спасылак на іх, а таксама прадубліраваць асобнымі файламі ў фармаце .jpg/.cdr/.tiff/.eps/.xls або .psd (Adobe Photoshop) (без склейвання слаёў).

Параметры набору тэксту: шрыфт Times New Roman, кегель 12 пт, міжрадковы інтэрвал 1,5, абзацны водступ 10 мм, без пераносаў слоў. Памеры палёў: верхняе і ніжняе – па 20 мм, левае – 30 мм, правае – 20 мм. Рэкамендаваны аб’ём арыгінальнага навуковага артыкула, уключаючы табліцы, малюнкі і спіс бібліяграфічных спасылак, – ад 12 да 20 старонак (20 000–40 000 сімвалаў), хронікі навуковага жыцця і рэцэнзіі – 5–6 старонак (да 10 000 знакаў). Усе старонкі павінны быць пранумараваны.

Структура артыкула

Тытульная старонка

Тытульная старонка павінна ўтрымліваць наступныя структурныя элементы на рускай, беларускай і англійскай мовах:

1. УДК (нумар тэматычнай рубрыкі);
2. Назва артыкула.

Максімальная даўжыня загалоўка артыкула – 10–12 слоў. Вельмі доўгія загалоўкі, як і вельмі кароткія, з цяжкасцю ўспрымаюцца чытачамі.

Загаловак артыкула павінен быць: інфарматыўным, лаканічным, адпавядаць навуковаму стылю тэксту, змяшчаць асноўныя ключавыя словы, якія характарызуюць тэму (прадмет) даследавання і змест працы. Загаловак павінен лёгка ўспрымацца чытачамі і пошукавымі сістэмамі. Не дапускаецца выкарыстанне абрэвіятур, формул, спецыяльных сімвалаў, іншых шрыфтоў, акрамя кірылічнага і лацінскага.

3. Ініцыялы і прозвішча аўтара(аў)
4. Афіліяцыя:

Назвы арганізацый, у якіх працуюць аўтары (калі аўтар працаваў і выконваў даследаванне ў некалькіх арганізацыях, пажадана пазначыць назвы ўсіх арганізацый), адрас, горад і краіна. Кожнае найменне арганізацыі размяшчаецца з новага радка. Калі аўтараў артыкула некалькі, то перад назвай арганізацыі і пасля прозвішча аўтара прыводзіцца парадкавы нумар у верхнім індэксе, які дазваляе суаднесці аўтара і арганізацыю.

5. Анатацыя павінна быць інфарматыўнай (не змяшчаць агульных слоў), арыгінальнай, змястоўнай (адлюстроўваць асноўны змест артыкула і вынікі даследаванняў), пажадана структураванай.

Замежныя партнёры і міжнародныя базы даных прад’яўляюць высокія патрабаванні да напісання анатацый. У анатацыю ўваходзіць характарыстыка асноўнай тэмы, праблемы, аб’екта, мэты даследавання, каштоўнасць яго вынікаў, а таксама практычнае значэнне вынікаў работы. У анатацыі неабходна адзначыць, што новае нясе ў сабе навуковы артыкул у параўнанні з іншымі, роднаснымі па тэматыцы і мэтавым прызначэнні. Абрэвіятуры трэба раскрываць.

6. Ключавыя словы:

Ключавыя словы, якія складаюць семантычнае ядро артыкула, уяўляюць сабой пералік асноўных паняццяў і катэгорый, якія выкарыстоўваюцца для апісання даследуемай праблемы. Гэтыя словы служаць арыенцірам для чытача і выкрыстоўваюцца для пошуку артыкулаў у электронных базах, таму яны павінны адлюстроўваць галіну навукі, у межах якой напісаны артыкул, тэму, мэту і аб’ект даследавання.

У якасці ключавых слоў могуць выкарыстоўвацца як адзіночныя словы, так і словазлучэнні ў адзіночным ліку і назоўным склоне. Рэкамендуемая колькасць ключавых слоў – 5–7, колькасць слоў унутры ключавой фразы – не больш за тры.

7. Падзяка:

У дадзеным раздзеле прынята выказваць падзяку калегам, якія дапамагалі пры правядзенні даследавання або рабілі крытычныя заўвагі ў адрас вашага артыкула. Аднак перш чым выказаць падзяку, абавязкова атрымайце згоду ад тых, каму мяркуеце падзякаваць.

Неабходна выказаць падзяку за фінансавую падтрымку даследавання арганізацыям і фондам, гэта значыць напісаць, за кошт якіх грантаў, кантрактаў, стыпендый стала магчымым правесці даследаванне.

8. Поўныя звесткі пра аўтара(аў): прозвішча, імя, імя па бацьку цалкам, навуковая ступень, навуковае званне, пасада, падраздзяленне (кафедра, факультэт, аддзел, лабараторыя і г. д.), ORCID (у выпадку адсутнасці неабходная рэгістрацыя на сайце https://orcid.org), электроны адрас, тэлэфон (пажадана мабільны). Неабходна пазначыць кантактнага аўтара. Аспірантам і студэнтам неабходна дадаць інфармацыю пра навуковага кіраўніка: яго прозвішча, ініцыялы, навуковую ступень і званне.
9. Узор афармлення:

УДК 543.257.2

ОПРЕДЕЛЕНИЕ РИМАНТАДИНА В ЛЕКАРСТВЕННОМ ПРЕПАРАТЕ «ГРИППОМИКС» С ПОМОЩЬЮ ИОНОСЕЛЕКТИВНОГО ЭЛЕКТРОДА

И. С. Иванов¹⁾, П. В. Петров^{1), 2)}

¹⁾ Научно-инженерное предприятие «Геоинформационные системы»,

ул. Сурганова, 6, 220012, г. Минск, Беларусь

²⁾Белорусский государственный университет, пр. Независимости, 4, 220030, г. Минск, Беларусь

Аннотация.

Ключевые слова.

Благодарность.

Иван Сергеевич Иванов – младший научный сотрудник НИП «Геоинформационные системы».

ivanov@gmail.com

+375***

Петр Владимирович Петров – доктор химических наук, профессор; заведующий лабораторией НИИ физико-химических проблем, профессор кафедры аналитической химии химического факультета БГУ.

petrov@bsu.by

+375***

Контактный автор И. С. Иванов

ВЫЗНАЧЭННЕ РЫМАНТАДЗІНУ Ў ЛЕКАВЫМ ПРЭПАРАЦЕ «ГРЫПАМІКС» З ДАПАМОГАЙ ІОНАСЕЛЕКТЫЎНАГА ЭЛЕКТРОДА

І. С. Іваноў¹⁾, П. У. Пятроў^{1), 2)}

¹⁾ Навукова-інжынернае прадпрыемства «Геаінфармацыйныя сістэмы»,

вул. Сурганава, 6, 220012, г. Мінск, Беларусь

²⁾Беларускі дзяржаўны ўніверсітэт, пр. Незалежнасці, 4, 220030, г. Мінск, Беларусь

Анатацыя.

Ключавыя словы.

Падзяка.

Іван Сяргеевіч Іваноў – малодшы навуковы супрацоўнік НІП «Геаінфармацыйныя сістэмы».

ivanov@gmail.com

+375***

Пётр Уладзіміравіч Пятроў – доктар хімічных навук, прафесар; загадчык лабараторыі НДІ фізіка-хімічных праблем, прафесар кафедры аналітычнай хіміі хімічнага факультэта БДУ.

petrov@bsu.by

+375***

Кантактны аўтар І. С. Іваноў

DETERMINATION OF RIMANTADINE IN DOSAGE FORM «GRIPPOMIX» USING THE ION-SELECTIVE ELECTRODE

1. I. S. Ivanov^a, P. V. Petrov^a,b

^aThe Scientific-Engineering Enterprise «Geoinformation Systems», 6 Surhanava Street, Minsk 220012, Belarus

^bBelarusian State University, 4 Niezaliežnasci Avenue, Minsk 220030, Belarus

Corresponding author: ivanov@gmail.com

Abstract

Keywords

Acknowledgments

Ivan S. Ivanov, junior researcher, «Geoinformation Systems».

Petr V. Petrov, doctor of science (chemistry), full professor; head of the laboratory «Geoinformation Systems», professor at the department of engineering geology and geophysics, faculty of geography, Belarusian State University.

10. У артыкулах, якія публікуюцца ў раздзелах «Публікацыі», «Навуковае жыццё», «Крытыка і бібліяграфія», «Выдатныя вучоныя», «Юбілеі», «Памяці вучонага» неабходна прывесці назву матэрыялу, а таксама звесткі пра аўтара(аў) (прозвішча, імя, імя па бацьку, ступень, званне, пасада, месца працы, адрас арганізацыі, электронны адрас, тэлефон кантактнага аўтара) на рускай, беларускай і англійскай мовах.

Тэкст артыкула

Артыкул абавязкова павінен мець наступныя структурныя часткі, якія вылучаюцца ў тэксце паўтлустым шрыфтам.

1. Уводзіны

Змяшчаюць: актуальнасць тэмы даследавання, агляд літаратуры па тэме, пастаноўку праблемы, фармулёўку мэты і задач даследавання.

2. Метадалогія даследаваня / тэарэтычныя асновы

Дэтальна апісваюцца метадалогія і метады, на якіх заснавана даследаванне.

3. Вынікі і іх абмеркаванне

Дэманструюцца фактычныя вынікі даследавання (тэкст, табліцы, графікі, дыяграмы, ураўненні, фатаграфіі, малюнкі). Гэта частка змяшчае таксама інтэрпрэтацыю атрыманых вынікаў даследавання, у тым ліку адпаведнасць атрыманых вынікаў гіпотэзе даследавання, абмежаванні даследавання і абагульненні яго вынікаў, прапановы па практычным выкарыстанні, прапановы адносна напрамку будучых даследаванняў.

4. Заключэнне

Змяшчае сціслыя вынікі раздзелаў артыкула без паўтарэння фармулёвак, прыведзеных у іх. Дадзеная частка можа быць уключана ў папярэднюю.

5. Спіс бібліяграфічных спасылак (на мове арыгінала)

а) у спіс уключаюцца толькі працы, якія выкарыстаны пры падрыхтоўцы артыкула і адзначаны ў тэксце артыкула;

б) спасылкі на бібліяграфічныя крыніцы падаюцца ў парадку цытавання (называння) – парадкавы нумар спасылкі і цытаваных старонак у тэксце пішуцца ў квадратных дужках (напрыклад, [1, с. 3]). Кожная крыніца павінна мець свой парадкавы нумар у спісе;

в) спіс крыніц павінен быць аформлены ў адпаведнасці з патрабаваннямі ванкуверскага стылю:

– кнігі: прозвішча і ініцыялы аўтара (калі аўтараў некалькі, трэба пазначыць імёны першых шасці з паметай «і інш.»), поўная назва кнігі, месца выдання, выдавецтва, год выдання, агульная колькасць старонак.

Прыклад:

1. Балацкий ЕВ. Элементы экономики государственного сектора. Москва: Капитал страны; 2013. 159 с.

– артыкулы з часопісаў, зборнікаў, матэрыялаў канфэрэнцый і інш.:

Прыклад:

1. Дедов ИИ, Шестакова МВ, Викулова ОК. Государственный регистр сахарного диабета в Российской Федерации: статус 2014 г. и перспективы развития. Сахарный диабет. 2015;18(3):5–22. DOI: 10.14341/DM201535-22.

6. References (на англійскай мове):

а) спіс бібліяграфічных спасылак неабходна падаць на англійскай мове;

б) колькасць крыніц, прыведзеных у спісе бібліяграфічных спасылак і ў References, павінна супадаць.

в) у спіс літаратуры ўключаюцца звесткі з англамоўных метаданых артыкула, якія размешчаны адным блокам на тытульнай старонцы або ў канцы артыкула: прозвішча, імя, імя па бацьку аўтараў лацінкай; загаловак артыкула на англійскай мове; назва часопіса лацінкай (транслітарацыя, калі няма інфармацыі аб выкарыстанні часопісам англамоўнай назвы); выходныя даныя (год, том, выпуск, нумар, частка (калі ёсць), нумары старонак «ад – да»); інфармацыя пра мову артыкула, калі ён выйшаў не на англійскай мове (напрыклад, Belarusian); DOI артыкула (пры наяўнасці) або адрас доступу (Available from…) пры адсутнасці DOI, калі артыкул размешчаны ў інтэрнэце ў адкрытым доступе.

Прыклад:

1. Dedov II, Shestakova MV, Vikulova OK. National register of diabetes mellitus in Russian Federation. Diabetes mellitus. 2015;18(3):5–22. Russian. DOI: 10.14341/DM201535-22;

г) не дапускаецца рабіць толькі транслітарацыю апісання, без перакладу загалоўка артыкула або назвы кнігі на англійскую мову: апісанне павінна быць прачытана замежным чытачом, ён павінен зразумець яго сэнс; таксама пры цытаванні рускамоўных кніг, матэрыялаў канферэнцый, ананімных і іншых крыніц, пра якія наперад вядома, што яны ніколі не будуць уключаны ў міжнародныя навуковыя базы даных, рэкамендуецца рабіць пераклад іх назваў без яго транслітарацыі, з указаннем мовы выдання пасля апісання (Russian).

д) пры лацінізацыі неабходна выкарыстоўваць варыянт стандарту транслітарацыі для англамоўных сістэм – BSI. Можна скарыстацца сістэмай транслітарацыі на сайце http://translit.net, пры гэтым для рускай мовы неабходна выбраць варыянт стандарту BSI.

Заўвага.

Эксперты Scopus і іншых міжнародных навукаметрычных баз даных негатыўна ўспрымаюць уключэнне ў спісы літаратуры (references) наступных відаў дакументаў:

– ананімныя крыніцы і нарматыўныя дакументы (пастановы, законы, інструкцыі і г. д.), якія ніколі не будуць праіндэксаваны ў базах даных цытавання;

– цяжкадаступныя, неапублікаваныя, малатыражныя, а таксама лакальныя, папулярныя і адукацыйныя крыніцы: аўтарэфераты дысертацый і дысертацыі, газеты, неапублікаваныя справаздачы, вучэбныя дапаможнікі і падручнікі;

– электронныя матэрыялы і рэсурсы інтэрнэту.

Рэкамендуецца такія крыніцы цытаваць непасрэдна ў тэксце або ва ўнутрытэкставых зносках. Зноскі размяшчаюцца на кожнай старонцы, унізе старонкі, нумарацыя скразная.

Патрабаванні да малюнкаў і фатаграфій

Малюнкі павінны дапаўняць існуючыя ў артыкуле табліцы і тэкст, а не дубліраваць іх.

Малюнкі павінны быць выразнымі і якаснымі. Іх абавязкова трэба падаваць асобнымі файламі ў фармаце .jpg/.cdr/.tiff/.eps/.xls або .psd (Adobe Photoshop) (без склейвання слаёў). Малюнкі выконваюцца ў адзіным маштабе, максімальны памер малюнка не павінен перавышаць 170×220 мм (з улікам подпісу пад малюнкам). Мінімальна дапушчальнае пашырэнне – 300 dpi. Абазначэнні на малюнках набіраюць шрыфтам Times New Roman. Элементы малюнкаў і крывыя нумаруюцца курсіўнымі арабскімі лічбамі, якія расшыфроўваюцца ў подпісах пад малюнкамі.

Малюнкі нумаруюцца ў адпаведнасці з парадкам іх цытавання ў тэксце. Кожны малюнак павінен мець кароткую назву і спасылкі ў тэксце (напрыклад: мал. 1). Адзіны малюнак у артыкуле не нумаруецца.

Не варта выкарыстоўваць на малюнках, у тым ліку на графіках, скарочаныя абазначэнні, нават расшыфраваныя ў тэксце (t, S і інш.).

Усе подпісы да малюнкаў дубліруюцца на англійскай мове.

Патрабаванні да табліц

Табліцы і тэкст павінны дапаўняць адзін аднаго, а не дубліраваць.

Табліцы нумаруюцца ў адпаведнасці з парадкам іх цытавання ў тэксце. Кожная табліца павінна мець кароткую назву і спасылкі ў тэксце (напрыклад: табл. 1). Адзіная табліца ў артыкуле не нумаруецца. Загалоўкі граф павінны дакладна адпавядаць іх зместу. Выкарыстаныя ў табліцы скарачэнні павінны быць расшыфраваны ў канцы табліцы.

У табліцах не павінна быць пустых граф.

Назвы табліц дубліруюцца на англійскай мове.

Патрабаванні да шрыфтоў, формул, абазначэнняў, адзінак вымярэння

У выпадку неабходнасці агаворваюцца ў індывідуальным парадку з рэдакцыяй.

Патрабаванні да абрэвіятур

У тэксце неабходна выкарыстоўваць толькі агульнапрынятыя скарачэнні (абрэвіятуры). Нельга ўжываць скарачэнні ў назве артыкула. Поўны тэрмін, замест якога ўводзіцца скарачэнне, трэба расшыфроўваць пры першым згадванні яго ў тэксце (не патрабуюць расшыфроўкі стандартныя адзінкі вымярэння і сімвалы).

АЎТАРСКІЯ ПРАВЫ

Аўтары, якія публікуюцца ў дадзеным часопісе, пагаджаюцца з наступным:

1. Аўтары захоўваюць за сабой аўтарскія правы на працу і даюць часопісу права першай публікацыі працы.
2. Аўтары захоўваюць права заключаць асобныя кантрактныя дамоўленасці, якія датычацца неэксклюзіўнага распаўсюджвання версіі працы ў апублікаваным тут выглядзе (напрыклад, размяшчэнне яе ў сховішчы арганізацыі, публікацыю ў кнізе) са спасылкай на яе арыгінальную публікацыю ў гэтым часопісе.
3. Аўтары маюць права размяшчаць іх працу ў інтэрнэце (напрыклад, у сховішчы арганізацыі або на персанальным сайце) да і падчас працэсу разгляду яе дадзеным часопісам, таму што гэта можа прывесці да прадуктыўнага абмеркавання і большай колькасці спасылак на працу (гл. The Effect of Open Access).